VAIA VAIA 2026

VAIA VAIA 2026 será a sexta edición do encontro de fanzines e autoedición
que terá lugar en Lugo os días sábado 26 e domingo 27 de setembro.
O obxectivo deste encontro non é outro que acoller unha pequena
xuntanza de autoedición e constituírse como unha reunión pública e
aberta a todo aquel que estea interesado nas publicacións independentes
e autoxestionadas, sempre nun ambiente de inclusividade. Abrazamos
o amateur e abrimos as portas a proxectos e persoas que aínda non se
deron a coñecer ou que nunca se atreveron a participar nun evento destas
características.
Os postos de fanzines e derivados, serán o punto de encontro principal ao
redor do cal se organizarán diversas actividades como obradoiros, charlas,
pinchadas e concertos.